`Xapurkirdinî Xakî Pîroz` dê bê belavkirin
Pirtûka (Xapurkirdinî Xakî Pîroz, şûnwarên dîrokî yên deverên Nêrwe û Rêkan bi nimûne), lêkolînek ya (Latîf Nêrwayî) ye, ku ji 11 beşan pêkhatiye, li çapxaneya Karo bi zaravaya Soranî hatiye çapkirin û di demekê nêzîk de dê were belav kirin.
Deverên Nêrwe û Rêkan herêmên girîng (Pîroz, Xwejên, Xweparêz) ên Kurdistanê ne û wekî memleketa şûnwarên dîrokî, navenda olan û paytexta şikeftan li Kurdistanê têne zanîn.
Di demê 34 salên borî de, ji ber şerê di navbera artêşa Tirkiyê û gerîlayên PKKê de û bombebaranên berdewam ên balafirên Tirkiyeyê de, 685 şûnwarên dîrokî di bin gefa wêrankirinê de ne.
Di nav wan de pir, şikeft, keleh, aş, aşên avê, perestgehên kevnar ên olên (Îslam, Xiristiyanî, Cihûtî, Êzidîtî û Zerdeştîtî) û şûnwarên din ên dîrokî yên dinê hene. Her wiha (109) gundên deverê jî bi tevahî wêran û vala bûne û ziyanek mezin a madî û manewî gihêştiye welatiyên herêmê û herêm bi tevahî bûye herêmeke wêrankirî….
Xelat
