Em Wek Xwe Dibrûsin
Helbestvan: Merwan Berekat
Em Wek Xwe Dibrûsin
Sînorên payîzan rewrewkên çûneke zer in
Li nav dengvedana gera xwe em tîrêja azad in
Qeder cenga bêkêran e
Em vejîna berbanga xwe ne
Bêdengî gora peyvê ye
Peyv şoreşa jiyanê ye
Jiyan govenda hebûnê ye
Em
Bi dengê xwe
Bi heyranokên dayîkên xwe
Rengên govenda xwe ne
Em wek roya xwe dibrûsin
Yên di nav mijê de
Yên bi berçavkê reş
Yên li ser rêyên kor
Yên hêviyên xwe kirine tûrikên qul
Yên dibezin hemêzên xefikan
Yên li siha xapînokiyê siwar in
Yên bi teriya tariyê şanaz in
Yên li dûvê têkçûna xwe dilikumin
Bila ji xewna mirina xwe hişyar bin.
Qamîşlo:
- 12. 2024
XELAT
