Silêmanî ber bi paytexta geştiyariyê gav davêje

 Silêmanî yek ji bajarên geştiyariyê yên herî navûdenge li Herêma Kurdistanê û Êraqê ye û her sal hejmareke mezin ji geştiyaran ji bo betlane û derbaskirina dema xwe Silêmaniyê hildibijêrin.

Di sala 2007an de, 77,933 geştiyar serdana Silêmaniyê kirin, lê ev hejmar di sala 2024an de gihêşte 2 milyon û 95 hezar û 966 geştiyar, ku ev cudahîyek mezin e di hejmara geştiyariyan de di wê heyamê de.

Bi zêdebûna hejmara geştiyariyan re, ku nîşana girîngiya zêde ya herêmê ye, hejmara şîrket û ajansên geştiyariyê û rêwîtiya hewayî zêde bûye, ji ber vê yekê tenê di sala 2024an de hejmara şîrket, ajans û birîkarên geştiyariyê gihêşte 233 kompaniyan. Di heman salê de 305,516 geştiyar ji Balafirgeha Navneteweyî ya Silêmaniyê hatin û çûne.

Amar nîşan didin ku di sala 2009an de tenê 106 stargeh li bajêr hebûn, lê di sala 2024an de gihêştiye 270 stargeh, ku ev zêdebûnek ji %100 zêdetir e, bi heman awayî, hejmara xwaringeh û kafeyan jî zêde bûye û bûye 661 cih.

Muzexaneya Silêmaniyê jî, duyemîn muzexaneya li ser astê Êraqê, di sala 2012an de rasterast ji hêla UNESCOyê ve hate nûjenkirin. Par 8,345 geştiyarên navxweyî û biyanî serdana muzexaneyê kirine.

Xelat