Xwe nexapîne?

Helbestvan: Hasan Kordede

Xwe nexapîne?

Gava jiyan hat şeritî

Tazî û rût jê şemitî

Wê çaxê tu bextereş bû

Tar ji deste çû filitî..

Tu bi hêrs bû pir geda bû

Li gora xwe şareza bû

Dinya li ber te fena bû

Navê însan b'ev qemitî..

Ew nav ji bo avahî yê

Bo rûmeta xwedahî yê

Lê te ew nav pêknanî yê

Juyan zû çû rêk pelitî..

Dawî va hat ka te çi kir

Ax û herî bi ser xwe kir

Kuro çima tobe nekir

Kiryarên te jê niqutî..

Çav birçî yo xapandî yo

Tazî hato tazî çû yo

Te hîna dor xwe nedî yo

Tirsa dilê te diziqitî..

Îroj barkir dest vala çû

Bê xatir ji hevala çû

Wek mişkê kor di çala çû

Poşmanî jê diliqitî..

25/03/2024-Serzorî

***********

 Nîşana me ye?

Yek ba û baweşîn tu ye

Behar û dil xweşîn b'xweye

Kelha zor hilweşîn tu ye

Amanc û serxweşî j'me ye..

Roja serxwebûn da nasîn

Raman û awaz û yasîn

Berhema ku pê xelasîn

Cîhana tev jê lome ye..

Daxwaza kurdan ser salê

Şahîya ciwan û kalê

Dijmin ji dest te dinalê

Ew vîn û mebesta we ye..

Geş dikin em di adarê

Zanin ku ketin beharê

Agirê şabûna yarê

Mizgîn dîsa ku kurd heye..

Sibê şahî yû hem coşe

Ciwan û kalî tev xweşe

Her kes pê forsan difroşe

Pîrozkin wê bê lome ye..

Pîrozkin bav û bapîra

Şehîd hûn nekin ji bîra

Bi wan xweş bikin tevdîra

Spas ku cejna me he ye..

20/03/2024-Serzorî

-----------

XELAT