Kîteya herî balkêş û bi êş Ji dastana Delêl

Kîteya herî balkêş û bi êş Ji dastana Delêl

(Dewrêşê Evdî) ji dengê Bavê Seleh

Edûlê go: hayêêêêêê

Ji deşta me ya jêrî de rabûye toz û kulxan e

Hinikan digot: Tewla nejdan e

Hinikan digot: Talan e

Hinikan digot: kewran e

Hinikan digot: Qeterê hêştir û keriyê miyan e

Hinikan digot: Şerê Tirk û Gêsan e, li piştê wana dewleta Elî Osman e, dîsa çi bêtar û alexan e, dane ser me Kurdsan e!

Lê anê.. min rakir darê dulbirê, mi sekir çend siwarên me Kurdan e

Siwarê tewrî pîşê Elîkê Mistê ye, piyê li enîşkê vemalane, Remezan î li pîşê dibê xuyan e, bi dilê min xist agirê daran e, kalê heftê salî xwe daye pêşa ewîl û gernasên me Kurdan e, mi zanî şer giran e

Siwarê dudiyê, Kekê Şêx e, tengdarê boke û pêlewanên dewlata Elî Osmane

Siwarê sisiyê Bozan e

Siwarê çarê Silêman e

Siwarê pêncê Se'edonê Biran e

Siwarê şeşê Farisê Mila ye pêlewanekî navgiran e

Siwarê heftê Çîlo yê Ûzelê, birayê heft xûşikan, istêrka xwe tek e li ezman e, bi Dewrêşê min re can bi can e

Siwarê heyştê Girgirê Milî ye

Siwarê nihê Mistê Ferhê ye

Siwarê dihê Eliyê Zênê, kekê Ferxê, Lokê deşta Sirûcê ye

Siwarê yazdan , mi bala xwe dayê Me'emê Temê ye

Siwarê duwanzdan Ûsibê vê şûr û vê qalqan e, nivîserê herb û cengê ye

Lê anê min Delal nedî di nav siwaran de, nebû xuyan e! wê çaxê mirina Delêl min kir înan e

Siwar vegeriyan li mal û li xudiyan e

mi dî li nav konan bû lîliya keç û bûkan e

Xelkê perdên reş ê ji konên xwe hilînane

Perdên kesk û sor û zer bi ser de berdane.

Danhev û Lêkdan/ Mihemed Hemkoçer

Xelat