Li Herêma Kurdistanê zêdetir li 6 milyon kes dijîn
Wezîrê Plandananê ya Herêma Kurdistanê Dr. Dara Reşîd ragihand, hêjmara rûnişîtiyan li Herêma Kurdistanê (6 milyon û 370 hezar û 668 kes) in ku beşek ji penaberan û koçberan jî li xwe digre.
Roja 20-21 Mijdarê 2024 serjimêriya giştî li tevahiya Êraqê û li Herêma Kurdistanê ku çar parêzgehên (Silêmaniyê, Hewlêr , Duhok û Helebçe) li xwe digre hate encamdan.
Li gorî serjimêriyê, hêjmara rûniştiyên Êraqê 45 milyon û 407 hezar û 895 kesin. Her weha ji wan 6 milyon û 370 hezar û 668 kes ên Herêma Kurdistanê ne ku deverên Kurdistanî yên veqetyayî wek (Kerkûk, Şengal û beşekî Nînewa) li xwe nagire.
Her weha li gorî serjimêriyê li Herêma Kurdistanê:
Hêjmara Nêr 3 milyon û 200 hezar û 506 kesin.
Hêjmara Mê, 3 milyon û 170 hezar û 162 kesin.
Rêjeya ji %84 rûniştiyan li bajaran in û %16 li gundan in.
Bi tementirîn kes li Herêma Kurdistanê 126 salî ye.
XELAT
