Newroza 2725 bi germî hate pîroz kirin

Li her çar aliyên Kurdistanê û Ewropa û Kenede û Amerîka û Australiyayê û Rûsiye û welatên Qafqasiyayê, agirê Newrozê hate dadan û ahenga Newrozê jî hate lidarxistin û geşekirin.

Li Amedê ahenga herî mezin û bi coş bi beşdariya piraniya aliyên kurdî û Kuridstanî hate pîroz kirin ku zêdetirî ji yek milyon û nîv xelkên kurd amadebibûn. Her weha li Rojhilatê Kurdistanê jî û bi taybetî bo cara yekemîn li Urmiyê û Mako û Xoyê û Salmasê jî hate pîroz kirin.

Li Başûrê Kurdistanê jî li Silêmanî û Hewlêr û Akrê û Duhokê û Helebçeyê jî agirê Newrozê hate dadan û ahengên roja 21 ê tenê li Qendîlê hatibû lidarxistin û wekî din jî, xelk ji ber baranbarîn û meha remezanê wek caran dernektin geşt û seyranan.

Li Rojavayê Kurdistanê jî, Li Qamîşlo û Hesekê û Kobanê û Helebê ku mezintirîn ahenga Newrozê li Rojavayê Kurdistanê bû ye, hate pîroz kirin, lê piştî 7 salan ku xelkê Efrînê bêbeşbûn ji agir û ahengên Newrozê, îsal bi coş û xweşî hate pîroz kirin ku li Birc Abdelo û Meydankê ahengên Newrozê birêveçûn.

Her weha li welatên derve jî kurdên diyaspora jî agir û ahengên cuda cuda ji bo pîrozkirina Newrozê dadan û lidar xistin.

 Xelat