PÊNÛSA MIN…
Helbest: Karîna Osêyan
Pênûsa min binivîse
Li ser Welatê bê Xudan
Li ser ola bê îman
Li ser dil û dildaran
Li ser birîn û birîndaran.
Pênûsa min bîr neke
Li ser xûşk û biran
Li ser dost û dijminan
Li ser xem û xeyalan
Li ser derd û kulan.
Pênûsa min de binivîse
Li ser jiyana bê qîmet
Li ser xerîb û sêwiyan
Li ser evîn û evîndaran
Li ser koç û penaberan.
Pênûsa min bîr neke
Li ser kela dilê min
Li ser dê û bavê min
Li ser hub û jiyana min
Li ser herdu gulê min.
Li ser dayikên çav li rê,
Li ser guliyên bi zangên zinaran ve mayî,
li ser xencera piştê,
li ser bêbextiyê,
li ser dîlên li bazarên bêşerefan têne firotan,
li ser miletê bêtifaq binivisîne pênûsa.
XELAT
