Qehremanek ji welatê min
Qehremanek ji welatê min
Ji xêr û bêra welatê min,
te şitlek di nav xaka wî ya pîroz de çand.
Xwezaya welatê min bi bejn û bala wê ya zirav,
bedew û qeşeng dibû.
Bilind dibû û dibû darek,
li ser şaxên wê xunce û pelên şîn û gulên renge reng dibişkivîn û dawî ber didan.
Li buhişta wê ya jor, balindeyan hêlînên xwe lê avakiribûn.
Bi hezaran li ber siya wê ya hênik rûdiniştin û xwe ji agir û tîrêjên rojê yên şewatker diparaztin.
Li hawirdora wê dexsok û neyaran,
her roj şax û ber û çuqlikên wê dibirîn û dişewitandin.
Te ew çanda şînkirin û parastin û avedaniyê diyarî gelê xwe kir, û tu bûy î endezyarê berxwedana aştiyane li hember hêza xwezayê û neyar û nehezan ya neyênî, û ma ji erkê min, ku ez wê ji ba û bahoz û bageran biparêzim, Mamostecan.
Nivîs: Bawerê Kurmanc
24.10.2022 z – 2722 k
XELAT
