Wênekêşekî ji Bakurê Kurdistanê li cîhanê bi navûbang bûye
Têkiliyên wî bi wênekêşên cîhanê re hene û ezmûna gelê kurd bi cîhanê dide nasîn.
Wênekêşekî ji Bakurê Kurdistanê li cîhanê bi navûbang bûye
Mihemed Mesûm, wênekêşekî Kurd ê Bakurê Kurdistanê bi wênekêşiya xwe li seranserê cîhanê navdar bûye û karê wî bala xelkê Bakurê Kurdistanê û gelek saziyên navdewletî kişandiye ser xwe.
Wênekêşê navdar yê Bakurê Kurdistanê (Mihemed Mesûm) ji Rojnameya Kurdistan Nwê re ragihand: “Min wêneya xwe ya yekem di sala 1970 de, dema ku ez ciwanek 13 salî bûm, kişandiye. her dem wêneyan dikişînim û hezkirineka min a taybet ji wênekêşiyê re heye. Min wêneya yekem a bav, dê û xwişka xwe jî kişand û heta niha jî di arşîva min de tê parastin, tevî çend wêneyên din ên malbatê.
Got jî : "Min di sala 1974ê de wek rojnamevanekî gênc dest bi kar kirinê kir û heta sala 1993 berdewam bûm. Di wan salan de ez wek rojnamevanî wênekêş bûm, eve 15 salin ez wêneyan dikişînim. Min bi hezaran wêne ji devera arkeolojîk û dîrokî (Hesen Kêf) ku niha di bin ava Bendava Illîsû de ye, kişandine. Her weha min dest bi kişandina wêneyên şûnwarên arkeolojîk û dîrokî yên Bakurê Kurdistanê jî kiriye û ji ber ku bi çavekî hunerî wêneyan dikişînim û min xwe di hunera wênekêşiyê de perwerde kiriye, bala xelkê kişandiye.
Mihemed Mesûm dibêje: “Di sala 2017’an de ji aliyê Federasyona Wêneyan a Navneteweyî ve ez wek wênekêşekî pispor hatim naskirin. Min jî li gelek welatan gelek sertîfîka û xelat û madalya û xelatên din jî di gelek pêşbirkên navneteweyî de wergirtine. Ez niha fotografên çand û hunera kurdî û jiyana rojane ya gelê me dikişînim, ji ber ku mîna bermahiyên dîrokî yên Kurdistanê gav bi gav ber bi tunebûnê ve diçe.
Her wiha li Bakurê Kurdistanê li ser tomarkirin û arşîvkirina çand û hunera Kurdî kar dikim. Tiştê ku bala min bikişîne, wek cilên kurdî, tiştên rojane û çalakiyên hunerî yên wek konserên şano û muzîkê, wêneyan digirim.
Wî got: Ez wêneyên heywanên ku li parkan dijîn jî digirim. Bi wêneyên xwe ez dixwazim bala mirovan bikşînim ser park û ajalên ku tê de dijîn, da ku baştir bên parastin. Ji bo arşîvê jî wêneyên navdarên kurd digirim. Heta îro min nêzî 200 portreyên hunermend û kesayetên navdar ên kurd di hemû warên hunerî de kişandine. Ji bilî karên min ên hunerî, ez wek nûçegihanekî wêneyan wêneyên bûyer û çalakiyên rojane yên gelê Kurd dikişînim û ji gelek ajansên navneteweyî yên cîhanê re dişînim.
Bi vî awayî ez ê ezmûna gelê xwe bigihînim cîhanê. Bi wêneyên xwe dixwazim çand, xweza û hemû bedewiyên Kurdistanê û gelê Kurd bi cîhanê bidim naskirin. Min di vî warî de gelek xebat kir.
Mesûm behsa wê yekê jî kir û got: “Dema ku min wêne dikişand, ez fikirîm ku ez çawa dikarim vê hunerê di berjewendiya gelê xwe de bi kar bînim. Ji ber ku pêwîstiya gelê me di gelek waran de bi wênekêşiyê heye, û têkiliya min bi gelek saziyên wênegiriyê yên li cîhanê re heye. Di heman demê de, ez bi gelek wênekêşên ji welatên cihê re di têkiliyê de me. Helbet wênekêşî ji nûçeyên sînema û televizyonê zêdetir bandorê li civakê dike. Heya ku ew dîmenek pir balkêş û girîng be, Lê ji ber ku wêne çarçoveyeke cemidî ya demê ye û dîmenê naguherîne, li ser hişê mirov bandorek mezin dihêle û mayîndetir e.
Xelat
