Yek bû taşte yê din şîv?
Yek bû taşte yê din şîv?
Helbestvan: Hasan Kordede
Kuro ne tu ye masî
Ji te têt bihna sasî
Te xwe berda nav avê
Bê avjenî xelasî..
Law min tu kirî rêber
Cihêr li poz têr da ser
Bi lotik û zîtikan
Çû gel dijmin stû ket ber..
Hatî gel min bi irir
Tev min meşî postê gur
Te nehîştin qîz û kur
Te reh mistdan tir û vir..
Hat û li min bû bilbil
Çare kirin derd û kul
Heta ku ez pê hisyam
Serî j'min da dijmin qul..
Kirim davê gel neyar
Hîngê min kir qare qar
Bê wate man dengê dil
Poşman nebû bi yek car..
Dihat gel min çi nan pêj
Girt rojî û tev nimêj
Serî li min kir kundir
Ewxer nabê tev qirêj..
Dîroka me wisa ye
Derfet didin pîsa ye
Wê hildin xwe pera ye
Doz din bênamûsa ye..
Şerme ku em bê hişin
Çima bi hev na êşin
Me xel fêr kir her tiştî
Ew çûne pêş em l'paşin..
Efrîn kerkûk bi hevda
Qamîşlo hewlêr tev da
Kobanî û silêmanî
Yek çû sibê yê'd şevda..
16/01/2024-Serzorî
XELAT
