"Tevî hemû hewlên erebkirinê Kerkûkê kurdbûna xwe parastiye"

Çavdêrê siyasî yê Kurd Zerdeşt Celal ragihand; tevî hemû hewlên erebkirinê, Kerkûkê kurdbûna xwe parastiye û xelkê Kerkûkê bervaniyê li Kurdistanîbûna Kerkûkê dike.

Xeleka vê carê ya Bernama (Xelata Kurmanca) yak u di radyoya Dengê Gelê Kurdistanê de tê weşandin û ji aliyê rojnamevan Hozan Efrînî vet ê pêşkêş kirin,  li ser rewşa Kerkûkê û hilbijartinên encûmenên parêzgeh bûye. Bi mêvandariya

Di vê derbarê de Çavdêrê Siyasî Zerdeşt Celal got; "Kerkûk bajarekî Kurdistanî ye û dilê Kurdistanê ye. Rewanşad serok Mam Celal ji rayadarên Êraqê re hertim digot:  Pirsgirêka Kerkûkê pirsgirêkeka netewî ya Kurdan bi giştiye û em tenê wek kurdên başûrê Kurdistanê nikarin biryarê li ser çarenivîsa Kerkûkê bidîn, her weha têkilî bi hemû parçeyên Kurdistanê ve heye.

Zerdeşt Celal tekez kir ku, tevî hemû plan û êrîşan û hewlên bi erebkirinê, xelkê Kerkûkê dev ji mafên xwe bernedaye û nasnameya kurdbûna bajarê xwe parastine.

Derbarê pirsa bi ereb kirina Kerkûkê û bandora wê ku ji aliyê Rojnamevan Hozan Efrînî ve hate pirsîn. Zerdeşt Celal da zanîn ku, bi dirêjahiya dîroka Êraqê her hewlên bi erebkirina Kerkûkê berdewam bûye, her weha zeviyên Kurdan hatine zevtkirin û eşîretên ereb ji başûr û naverasta Êraqê hikûmetên li dûv hev yên Êraqê anîne Kerkûkê daku nasnameya kurdbûnê bajêr biguherin.

Li ser şêwaza guherîna demografiya Kerkûkê  diyar kir ku, armanc koçkirina Kurdan bûye ji bajarê kerkûkê û piştre jî erebkirina wê ye ku bi awayekî beşek ji Kerkûkê xistin ser Silêmaniyê û beşekî wê xiste Hewlêrê ku piranî jî deverên kurdî bûn daku taxên erebî tenê bimînin ser Kerkûkê û bi wî awayî nasnameya wê biguherin bikin bi ereb.

XELAT