Bafil Celal Talebanî: Piştgiriya YNKê ji pêvajoya aştiyê re erkeke neteweyî ye
Peyama Serokê Yekîtiya Niştimanî ya Kurdistanê (YNKê) Bafil Celal Talebanî di Konferansa Aşitî û Civaka Demokratîk a Navneteweyî li Stenbolê de hate xwendin ku tê de tekez kir ku YNKê piştgiriyê dide pêvajoya aştiyê.
Serokê YNKê di peyama xwe de got, piştgiriya YNKê ji bo pêvajoya aştiyê ne helwesteke siyasî ye, belkû erkeke neteweyî ye li hember gelê Kurd. Bafil Celal Talebanî got jî: Me ezmûn kiriye û em dizanin ku şer û pevçûn sernakevin. Ji ber ku em îro li hev civiyane da ku li ser girîngiya aştî û aramiyê, ku dê bibe bingeha jiyaneke bi rûmet û serfiraz, nîqaş bikin.
Serokê YNKê Bafil Celal Talebanî di peyama xwe de dibêje: Ji damezrandina xwe di sala 1975an de, YNKê bi temamî bawer kiriye ku tundûtûjî dabeşbûnê kûrtir dike û çareserî tenê bi rêya diyaloga siyasî dikarin werin dîtin.
Bafil Celal Talebanî got jî: Ev prensîb rêberiya Serok Mam Celal diyar dike, ku wêrekî û zelaliya armanc û pabendbûna wî bi aştiyê re kêliyên ne zelal veguherandin derfetên lihevhatinê.
XELAT
