Bibûma delaliya te
Helbest: Xaylaza Reşîd
Bibûma delaliya te.
Bîra kenê te dikim,
Bîra destê te dikim,
Şevê gazî te dikim,
De ka bêje çi bikim?.
Dikim gazî û hewar
Dil û hinav tînim xar,
Hêsir bûne ava sar,
Gilol dibin wek karbar.
Sêwîme ez dinalim
Nizanî ça bê halim,
Ker û lal ez ditelim,
Nizanim ku da herim.
Min zanibya warê te,
Bihatama ez bal te,
Bibûma mêvana te,
Bibûma delaliya te.
25.06.2024
XELAT
