Bîranîna Sedsaliya Qedexekirina Zimanê Kurdî

Ji bo piştgîrîkirina zimanê Kurdî yê di metirsiyê de ye, 4ê Adarê 2024 li Pirtûkxaneya Kurdî ya li Stockholmê, çalakiyek berfireh hate lidarxistin.

Çalakî ji hêla rojnamevan û nivîskar Kurdo Baksî ve hate birêvebirin û bi hevkariya Federasyona Netewî ya Kurd û Komeleya Jinên Kurdistanê û Komîta PENa Kurd-Swêd li dar ket.

Derbarî giringîya vê çalakiyê birêz Kurdo Baksî ji Rojnameya Xelatê re ragihand ku, " Di 3 adara 1924 an de yekemîn makezagona Komara Tirkiyê ku hebûn û zimanê kurdan înkar dike hat qebûlkirin. "

Kurdo Baksî got: "Bi alîkariya internet û kenalên televizyonê hemû zaraveyên Kurdî roj bi roj xurt tir dibin. Divê Kurdên li diasporayê û li Kurdistanê her tim li mala xwe bi zaroken xwe re bi Kurdî biaxivin".

Ev çalakî bi beşdarîya çendîn kesayetî, sazî û dezgehên Kurdî û Swêdî pêkhat û  ji hêla kenalên ragihandinê û medya Kurdî û ya Swêdî ve bi baldarî hate şopandin. Ji beşdarbûyên vê çalakiyê:

-Patrik Hadenius, zimanzan û publicîst.

-Martin Kaunitz, weşanger.

-Elisabeth Löfgren, seroka Komîteya Nivîskarên Girtî. PENa Swêdê.

-Kemal Görgü, hunermendê Swêdî-Kurd.

-Seroka Yekîtiya Jinên Kurdistanê Seyran Duran.

-Serokê Federasyona Neteweyî ya Kurd Berzan Koçkaya.

-Vildan Tanrîkulu, wergêrê ferhenga Swêdî-Kurdî

- Serkan Birûsk, nivîskar û Serokê Komîta PENa Kurd-Swêd.

XELAT/ Dilşa Yûsûf / Swêd