PÊNÛSA MITEWAZ
Helbestvan: Seyrana Celad
PÊNÛSA MITEWAZ
Hildigrim li dest pênûsa bi naz,
Tevî hîsên xwe jor didim perwaz,
Bi hubra rengîn vedhûnim awaz,
Dikim dileka hêvî û daxwaz,
Zindî bibînim yara gerdengaz.
Hestên ser lênûs bûne teyrên baz,
Difirin diçin warê dûr-deraz,
Çawa melodî, ya keman û saz,
Carna xemgînin carna jî şanaz,
Dibin dermanê rûhê mitewaz.
Ferqin mitale, cûdaye şêwaz,
Asê dibî nav, zorin, ne lewaz,
Morî-mircanin ser rûyê kaxaz,
Kaw û rengînin ça gula soryaz,
Diqîrin şîrîn mîna qaqlîbaz.
Şirîk, rêheval pênûsa min naz,
Nehêlî tenê şaîra dilnaz.
#Seyran
#Helbest 26.09.2024s.
#Wêne 26.09.2024s.
XELAT
