GAZINÊ WELAT
Helbest: Seyrana Celad
Wastîyame ji derewên şîrîn,
Wastîyame ji gotin û qîrîn,
Dikşînim êgin derba zulfeqar,
Wastîyame ji qerf û çep nêrîn.
Êciz bûme ji şer û berxwedan,
Êciz bûme ji banga tolhildan,
Dixwezim bijîm û bidim jînê,
Êciz bûme ji bedal serhildan.
Xeyîdîme ji Memê û Zînê,
Xeyîdîme ji ruhistîn vînê,
Tehma jîyanê çima tehl dikin?
Xeyîdîme ji bêhna gulbînê.
Matmayî me ji xayînên welat,
Matmayî me ji nifir û nelat,
Mar dişûlikin jehrê dirêjin,
Matmayî me ji nobêl û xelat.
Hijmekar mame kesîb dest tenga,
Hijmekar mame karkir bê denga,
Ruh va dewlemend xizmetên gelin,
Hijmekar mame eşqa rû-renga.
Gazinim gelek sozên bê feyde,
Gazinim gelek qelepçe-qeyde,
Sedan sal zêde zendê min da ye,
Gazinim gelek êş kirin peyde.
Bendewarim ez yektyê, serbestyê,
Bendewarim ez dawya bindestyê,
Emê bighîjin armancên dila,
Bendewarim ez nakin zordestyê.
XELAT
