Yek bidin biryarê?
Helbestvan: Bêçarê Kurd
Yek bidin biryarê?
Em ketin nav girarê
Nema dixun savarê
Dem kete ber êvarê
Wê kî bide biryarê
Destkeft nema hew têtin
Ard û kepek dibêtin
Her kes têr xwe veşêrtin
Yek rêber bin vê carê
Gel tevde ma perîşan
Ma bê nav û bê nîşan
Dest bernedan qilîşan
Dil bi jînê ma sarê
Jîn li ber me gemirî
Volkana me temirî
Dûrî ref tu difirî
Guh bide vê hewarê
Tenha bê ûd û sêrí
Tu ne piling û şêrî
Xwe ji gel veneşêrî
Ta nejît di bê zarê
Nebî dara bê pecal
Wek welatê ku bê al
Sîka nadî lê xeyal
Gur bibe vê beharê
29/12/2024-Kobanî
****************
Ez û tu?
Eva ezim ewa tu
Li dû hevin yek û du
Dilek jiyan nake me
Ji derdan re man li dû
Kengê bi te bêşim ez
Serî li ser lêşim ez
Xwîn ji dil verêşim ez
Kul û keser dil vepû
Ka destê te bide min
Bi min û te yek dijmin
Gava ku çû serê min
Bizan tujî her li dû
Bizan wek hev bimirin
Ger bi hişa nekirin
Nikarin tew bifirin
Ber bê ketin weka mû
Gava ku çûm tu li pê
Heyfa rondîk ji çav tê
Wek hev diçin nê û mê
Hey wax li serê ku çû
Tenha neçe civînê
Hêk dernexe ji kûnê
Dijmin me tev nabînê
Ji kêsêra nebe dû
Ka destê te bide min
Çavan derxin li dijmin
Cîhan li me guhdare
Yek helwest bin hema zû
Gava ku em yek dest bin
Dil û can yek helwestin
Emê zûka serbest bin
Guh nedin fûta bi hû
27/12/2024-Kobanî
XELAT
