VERZÊN DEMSALÊ
Helbestvan: Dîlan Maku
Min ev roj rih da dixust,
Wênê te kefa dil xist,
Nav şîn û şahîya da,
Min tu kirî nav Helbest,
Mîna verzên demsalê,
Vedibim gula lalê,
Dem ya mine l' buhara,
Agir vêxin l' ber malê ,
Heyranek pir hêja ye,
Ew pêlê newrozê ye,
Çirûska wê sor û mor,
Dilê min d'şax vedaye,
Pir bahaye n' desta ye,
L' ser çîya deng vedaye,
Bo ometê bîst yekê,
canê min de nûr daye ,
Wek ciwanê l' ser demê,
Kevnar n'be mîna mûmê,
Çi hestek têr û têj ye ,
Bîr naçe wek Zîn, Memê,
Ezim keça buharê,
Vedib'm gula adarê,
Wek şemala dest xorta,
Diçrûsim li ser darê ,
Ezim şaxê zeytûnê,
Didim hezara l' vînê,
Destê zor û zordara,
Namirim, l' rûyê dinê,
Newroza we pîroz be,
Agirê dilê we geş be,
Roja çanda kurd pîroz be,
10, adarê,
10/03/2025.
XELAT
