Rûken Ekincî bi tabloyan êşên miletê xwe bi azadî tîne ziman
Huner bi giştî û wênesazî li Bakurê Kurdistanê bi taybetî ne tenê ji bo bedewiyê, di heman demê de amûrek girîng e ji bo vegotin û gihandina peyam û hestên neteweyî.
Rûken wênesazeka ji bajarê Batmanê ya bakûrê Kurdistanê ye, bi salan e ku li bajarê xwe wênesaziyê dike û gelek hezkiriyên wê hene. Ji ber ku hunera wênesaziyê li Bakurê Kurdistanê gelekî girîng e, bi taybetî ji bo parastina dîrok, çand, ziman û nasnameya kurdî. Huner bi giştî û wênesaziya Bakurê Kurdistanê bi taybetî ne tenê ji bo bedewiyê, di heman demê de amûrek girîng e ji bo vegotin û gihandina peyam û hestên neteweyî.
Rûken Ekinci wênesaz û peykersaz û ji bajarê Batmanê (Êlih) yê Bakurê Kurdistanê ye, di hevpeyvînekê de ji rojnameya Kurdistanî Nwê re ragihand: “Çend salin ez di warê wênesaziyê de dixebitim û naveroka piraniya tabloyên min nasnameya neteweyî ya kurd îfade dike.
Her wiha bûyerên ku di dirêjahiya dîrokê de li Kurdistan û Mezopotamyayê qewimîne, dema ku ez nikarim bi azadî êşa miletê xwe bibêjim, bi wênekêşiyê vebêjim ku ev yek parçeyek ji têkoşîna mirovahî û neteweyî ye û kurdayetia mine.
Got jî: Her wiha ez behsa dîroka êş û azarên keç û jinên Kurd dikim û di hunera wênesaziyê de jî peyameke cuda nîşanî temaşevanan didim. Min heta niha zêdeyî 200 tabloyan kişandine û li ser dîwarên navenda parêzgeha (Êlihê) Batmanê gelek wêneyên rengîn hatine xêzkirin.
Di heman demê de kelecaneke min ya mezin li ser hunera wênesaziyê heye, ji ber ku huner bandora xwe li ser parastina ziman, nasname, kevneşopiyên civakî û çanda kurdî bi giştî heye.
Rûken Ekincî dibêje: “Ev 15 sal in li Şaredariya Êlihê mamostetiya hunerê dikim û gelek xizmet ji welatiyan re kiriye, lê piştî qeyûm tayîn kirin niha bêkar mam û di rewşeke nebaş a aborî de dijîm, divê em şiyanên xwe yên hunerî, dîrokî û çandî jî pêş bixin, ji ber ku dîrok wek huner tê naskirin û divê em dîroka xwe biparêzin, huner bi giştî û hunera wênesaziyê li Bakurê Kurdistanê bi taybetî ne tenê ji bo bedewiyê ye, belkî amûrek girîng e ji bo derbirîn û ragihandina peyam û hestên neteweyî.
Hêjayî gotinê ye ku hunermendeke kurd (Rûken Ekincî) wênesazeka naskiriye û di gelek pêşangeh û çalakiyên hunerî de beşdar bûye, di warê wênesaziyê de jî mînakeke serkeftî û jêhatî ye.
Hunera nîgarkêşiyê li Bakurê Kurdistanê roleke mezin di parastin û bihêzkirina ziman, nasname û kevneşopiya Kurdî de dilîze, bi taybetî li wê deverê ku zimanê Kurdî berdewam rastî astengiyan tê.
Hunera nîgarkêşiyê afirandina wêneyan û bikaranîna çandên rengîn ên cuda bi awayekî ne zelal û nerasterast ji bo gîhandina ramanan e û di demên cuda yên dîrokê de li ser hatiye balkişandin û di serdemê cuda yên dîrokê de giringî pê hatiye dayîn û bi pêşketiye.
XELAT
