Serok Mam Celal... Endazyarê Aştî û Sentezê Ramanên Pêşverû bû

Nivîskar Welîd Hemîd Xelîl

Salvegera heştemîn ya koça dawî ya rêberê mezin, nivîskar, siyasetmedar, dîplomat û welatparêz, Pêşmerge û enternasyonalîstê di ser me re derbaz dibe, ku di zêdetirî şeş dehsalan têkoşîn û berxwedanê de tiştê herî hêja di jiyana xwe de ji bo Kurdan, Kurdistanê, Îraqê û tevahiya mirovahiyê feda kiriye.

Mam Celal sembolek û biryarderek bû ku di mercên herî dijwar û ne baş de li çareseriyan digeriya

Reftarê serok û sembola neteweya hêja Celal Talebanî, yê kurd, enternasyonalîst û mirovperwer, di piraniya van rêberan de bêhempa ne, ku ew di warê Kurd, Rojhilata Navîn û navneteweyî de, di rê û bandora wan de, kiriye rêberek pêşeng, jîrbûna xwe ya siyasî û çanda xwe ya demokratîk bi kar anî daku alîkariya kar, rêwerz û bandora tîmê xwe bike û rêberiya wan bike.

Reftarê serok û sembola neteweya hêja Celal Talebanî, yê kurd, enternasyonalîst û mirovperwer, di piraniya van rêberan de bêhempa ne, ku ew di warê Kurd, Rojhilata Navîn û navneteweyî de, di rê û bandora wan de, kiriye rêberek pêşeng, jîrbûna xwe ya siyasî û çanda xwe ya demokratîk bi kar anî daku alîkariya kar, rêwerz û bandora tîmê xwe bike û rêberiya wan bike, berî û piştî damezrandina Yekîtiya Nîştimanî ya Kurdistanê di 1ê Hezîrana 1975 de, di demên baş û xirab de, bi armanca xizmetkirina Kurd û Kurdistanê û hemû pêkhateyên Kurdistan û Îraqê û forum û meydanên din yên navneteweyî, li ser bingeha stratejiyeke neteweyî û navneteweyî ku siyaseta wî ya Qefta Gulan kok xwe ji felsefeya Mezopotamyayê û ferhenga wê ya felsefî ya mirovahiyê digire.

Dema ku Serok Mam Celal endamekî girîng yê Civata Rêvebir ya Îraqê bû, ku piştî hilweşîna rejîma Partiya Be`is di sala 2003an de hate damezrandin, û dema ku ew di sala 2005an de serokê Komara Îraqê bû jî, roleke bi bandor di anîna cem hev a nerînên nakok de list û gelek pirsgirêk çareserkirin, lewra ew bi (Semam Eman) ya Îraqê hat bi nav kirin.

Serok Mam senteza pirrengiya rewşenbîrî, demokrasiya pêşverû û Kurdbûnê ye

Derbarê Kurdistanê de, Serok Mam Celal Talebanî zêdetirî 60 salan e ku li Îraqê alîgirê mafên Kurdan û demokrasiyê bû ûdi dayîna biryaran, heta biryarên herî dijwar jî, ji bo çareserkirina nakokiyên di navbera partiyên Kurdî de netirsiya,

Her weha rola navbeynkarekî bi bandor di navbera Serokkomarê Turkiyê yê koçkirî Turgut Ozal û rêberê PKKê Ebdulah Ocalan de ji bo rawestandina şerê di navbera her du aliyan de û çareserkirina pirsgirêkan bi riya diyaloga demokratîk û aştiyane û tevî hemû astengiyên berê jî hewldanên çareseriyê niha di navber aliyê Turkiyê û Kurdan de berdewam e.

YNK yekem alî bû ku li Kurdistan û cîhanê Rêveberiya Xweser nas kir û  nûnertiya wan li Silêmaniyê vekir.

Li ser asta qada Rojavayê Kurdistanê, Yekîtiya Niştimanî ya Kurdistanê (YNK) di dema serokatiya serokê nemir Celal Talabenî de roleke bi bandor di anîna nêrîn û ramanên di navbera partiyên Rojavayê Kurdistanê de list û ji hêla darayî û exlaqî ve piştgirî da Şoreşa Rojavayê Kurdistanê û yekem alî bû ku Rêveberiya Xweser bi fermi nas kir Yekîtiya Niştimanî ya Kurdistanê (YNK) bû ku destûr da ku Rêveberiya Xweser nûnertiya xwe li Silêmaniyê, paytexta Rewşenbîrî, veke û heta roja îro jî piştgiriya şoreşa Rojavayê Kurdistanê ya bi serokatiya Serok Bafil Celal Talebanî û partiya wî ya pêşeng li ser asta Kurd û Kurdistanê berdem e.

Mam Celal her tim hewl da ku prensîbên sosyalîst li ser asta navneteweyî, li Kurdistan, Îraq û cîhanê bicîh bike

Li ser asta navneteweyî, Serok Celal Talebanî endamekî girîng ê Rêxistina Sosyalîst Internasyonal bû, rêxistina cîhanî ku partîyên sîyasî yên sosyalîst, sosyal demokrat û karker li çaraliyê cîhanê dicivîne, bi beşdarbûna xwe di vê rêxistinê de, Serok Mam Celal her tim hewl dabû ku prensîbên sosyalîst û demokratîk li Îraq, Herêma Kurdistanê berfirehtir pêş bixe û piştgiriyê bide tevgerên pêşverû li ser asta navneteweyî.

Serok Mam Celal bi rastî jî endezyarekî rastîn bû ku tovên aştiyê çand û li seranserî Kurdistan, Îraq û herêmê çareserî dît

Mixabin, koça dawî ya Serok Mam Celal di sala 2017an de ji bo Kurd û Kurdistanê û mirovahiyê bi giştî windahiyek mezin e, ji ber ku ew kodek bû ku hemû girêk û sembolên tevlihev vedikir û hemû nakokiyên di navbera aliyên Kurdan de her weha di navbera aiyên Îraqiyan çareser dikir.

Di dawiyê de, bi boneya salvegera heştemîn ya koça dawî ya Serok Mam Celal de, ku di ew ferhenga Kurdî û mirovahiyê de her û her nemir e, ez sersaxiyên xwe yên kûr ji tevahiya malbata Mam Celal û Serokê Yekîtiya Niştimanî Kurdistanê Bafil Celal Talabanî û hemû Kurd û Kurdistan û mirovhiyê re dixwazim.

XELAT/ PUKMEDIA