Di xwe hilçinî?
Helbest: Hasan Kordede
Di xwe hilçinî?
Ji deryakî kûr derketim bê avjenî
Min dî li wir keçek bedew d'xwe hilçinî
Piştra bûne dost û hevalên di rêkê
Bi yek ziman li gel hev me tevn raçinî..
Çîn û neqşe ji dar piştê me dest pêkir
Rêk pir kin bû lê me hêlînek lê çêkir
Nizam vîn bû nizam kîn bû b'xweşî rêkir
Ji nişka keç di cihê xweda sekinî..
Li min wêran bû wek tofan bû susrete
Dil kir dojeh agir bi sînge dikete
Çi bêtare çi heware felakete
Síng kir beroş da ser kuçkan ar li binî..
Xatir nexwest di cihda hîştim da ye rê
Wekî dînê ku tu berdî li ser pirê
Dil birrî wê bê hemd wek bi bivirê
Eceb xewn bû an rastî bû felek kenî..
12/05/2024-Serzorî
XELAT
