NİZANİM TU GULİ AN Jİ KELEMÎ
Helbestvan: Mehmet Çobanoglu
Nizanim tu gulî an jî kelemî
Ji caran min re şadî caran xemî
Te agir berda li nav dilê min
Nizanim tu fitîl î, an jî şemî
Te coşîya nav dilê min wêran kir
Te kul û qêrîn, te hêsir min barkir
Te jî min re baran û tofan anî
Te dûmana tozê li ser min rakir
Bi derewan qet min teselî neke
Deriyê gorê ji min re veneke
Dil û kûrçikê min tevahî rizayan
Ser milan bi darbestê min rê neke
Bextê te me bi dilsarî yê min neke
Dizî be jî bi kenên xwe min şake
Dest nede min, bi ez ji te bêbext im
Ji kerema xwe, min şerpeze neke
Lêlê dilê te wek hespê bêzîne
Dev ji te bernadim, dil bo te dîne
Nizanim tu xêrî an jî bêxêrî
Qet quretî meke, evîn mezine
Her dem di zimanê min de awaze
Ji kerema xwe êdî min bixwaze
Canê min, dil bê te cihê cemed e
Dilê min germahiya te dixwaze
06.04.2024
İstanbul
XELAT
