GEŞDARIYA XWENDINÊ
Helbest: Zeynelabidîn Zinar
Ew yek e, lê yek ji wan nehsed hezaran
Şûfê wê nehin li nêv welat û waran
Perçem û qişt û lam û lêv wek hinaran
Zîn û Xec û Binefş nabin mizgîn caran
Perde ku rabit ji ber çehvên xumarî
Alem sergêj dibit ji rengê nîgarî
Çendî ku ew bi rengê xwezaya marî
Lê behişt e her li ber Firdewsa Barî
Çend rind û delal û xweşikcan e xopan
Mîna dol û zozan û Cûdî yû Sîpan
Alem bûye jê re bi heyran û qurban
Nayê gotin xweşiya warê Madistan
Ne Laleşa Nûranî w Semsûr û Heran
Ne jî Gora Nû Peyamberê me Kurdan
Melê Cizîrî û Werezûza Teyran
Hem jî Ava Jînê, dibitin gorîcan
Elah! Helah! Çi xweşî daye min û te!
Lê nizanin em rûmeta rindiya te!
Bi qurban bin rih û can bo rindiya te
Lewre war li kadê niye bi şûfê te
Ey ciwanê guhrdêrê evan helbestan
Bike pêdar û bixwîne şev û roja
Da rind binasî tu warê bav û kalan
Zindî jî geşdar dibit bi xwendina wan.
09/ 06/ 2024. 11:36
XELAT
