MIN TEMEN BORAND TEMAMÎ
Helbest: Abdurrahim İnanç
Failatun failatun failatun failun
Min temen borand temamî, pey meramê der qefes
Mam li bendê ez bibînim, xweş-xeramê der qefes
Wek biha zer zerhumîm1 ez, rondikên çavêm rewan
Her li benda wê şoxa şêrîn-kelamê der qefes
Carekê selwîseha min pirs nekir halê xerîb
Çavenêr mam, bo me rêke ew peyamê der qefes
Nake pakî ew ji keskî, dilrevîna Kurdewar
Sed wekî Xusro dirêkin bo selamê der qefes
Keç-mulûka pozbilinda her mudam alî-mekan
Carekê bîra xwe naynî, ez xulamê der qefes?
Ev dilê mecrûh ji destê mehweşê camek reḫîq2
Ger binoşit wê belav kit vê zelamê der qefes
Min divîbû têr binoşim, badeya rengê gulê
Ez ji destê wê delala nîkinamê der qefes
Min divêt wesla hebîbê, terk dikim ez masiwa
Lew ku rista gotinên min, tên nizamê der qefes
Her seher çaxê bibînim ew ji burcê bête xwar
Behmûrî hember nişa dit îhtiramê der qefes
12/9/02025 Cizîr
Xelat
