WERE SERDANÊ
Helbest: Hinara Tajdîn
Ça zabita zindanê
Penceşêra bedenê,
Tû her ro û her danê
Ware li min serdanê.
Tîrêja dem biharê,
Sûret hebka hinarê,
Çev reş mîna wê hubrê,
Ya Reb bide min sebrê.
Dêmê nazik esmere,
Sîng sipîye mermere,
Bejn bilindê qemere
Navkêlk zirav kemere.
Ketim ber bay havînê,
Kundê korî şevînê,
Morîya xewna xewînê
Sêfîl, jarê evînê.
Ez xemkêş û istuxwer,
Kasa hubê min vexwer,
Mîna pelkî hatim xwer
Yarê nekir min bawer.
Lîland surra adarê,
Bilbil sitra ser darê,
Nobedarim bêderê
Qerewilê qederê.
Ça zabita zindanê
Penceşêra bedenê,
Tû her ro û her danê
Ware li min serdanê.
Xelat
