Ji Hasan Kordede 5 Helbest...
Welatê min?
Helbest: Hasan Kordede
Welatê min?
Ey welatê bihuştî
Nizanim kê ti kuştî
Xwîna meyî pir zelal
Ji bo te can biriştî..
Sînga fodil bi qorî
Bûm û qîrak qeliştî
Bazên te yî bask belek
Li ser çîyan veniştî..
Te dibînin wek dêra
An mizgeft û keniştî
Serê te her bilind be
Enîya te hilmiştî..
Xazgînî yê te têne
Di todê da rûniştî
Zava bi çek û rextin
Te dilê min guviştî..
Serê te yî bilind be
Tu ji bo me her tiştî
Ez te nadim cîhanî
Bi xwîna min tu şiştî..
Azadî ya te bînim
Wek tilism û niviştî
Vî zimanê te yî xweş
Tîpa herî neqiştî..
Ji bo me xweş zozanî
Xweza û hem siruştî
Bi yezdan te bernadim
Tu ji bo min her tiştî..
Tu di evîna minda
Wek tofan û lêmiştî
J'wê vîna bê dawî re
Wek pozgur û darpiştî..
28/05/2024-Serzorî
-------------------------------
Pênûsa min digirî?
Ez diçim ser lênûsê
Diçim ser lênûsê
Ku binivîsim
Kiryarên rojane
Ji boyerê bê sinc
Lê digirîm
Pênûs digirî
Û nema
Dineqşîne tîpan
Ji ber bê sincî ya mirovan
Ji bê wijdanî
Hêrs dibim
Kel radibe
Girî rê na de
Çawa ev dinya şên bû
Bingeh çî ye
Nizanim
Pênûs dixeyi de
Lênûs says dimîne
Bê reş belek..
Bêçarê Kurd
29/05/2024-Serzorî
--------------------------------------
Zimanê kurdî?
Ji ezdam ta bi hewda
Ew xelate ji xweda
Bavê nûh gemî avda
Dîsa min ew berneda..
Ji berhîmda ma xelat
Hor û lor bûne lebat
Sor û gor dikin xebat
Bav û kalan pê soz da..
Zaz û kurmanc kin lava
De hûn bikin silava
Bikin ronî bo çava
Banga xwe têkin yezda..
Mîd û mad kirin heste
Zendevîsta ji deste
Şanî me dan di beste
Baxê gulan pê avda..
De hûn jî wî bernedin
Bax û bistan jê avdin
Pergala xwe pê radin
Ta hûn bighên comerda..
Ez hêvîme ji we lav
Ji dil dikim we silav
Rast we mitî şîrê xav
Dêk bav hêvî di we da..
Ger ev ziman têk biçe
Kar û xebat giş pîçe
Kurdistanê bik axçe
Ku te ziman xweş avda..
30/05/2024-Serzorî
Bêçarê Kurd
-------------------------------------
Dojeha bi saxî?
Agir berdan me bi roj
Mafê mirov winda ne
Kanî dewlet edalet
Kurd dibine talane
Hewqas ajal disojin
Qêrín diçe ezmane
Xweda çavê xwe girtin
Bang diçe asîma ne
Felek dikî temaşe
Çima tem dan însane
Dad û meda te eve
L'dayina xwe poşmane
Kurm û kêze disojin
Dojeha li jiyane
Bihna tonî naghê te
Tejî destek da wane?
05/06/2024-Serzorî
-------------------------------
Fitwe heye ji min ra?
Rû bi rû bûn fût û fen
Kin û dirêj kirin ben
Dane berxwe ajotin
Heram kirin li min ken..
Gotin lêvan ne'j bo maç
Gerden nabê deynî xaç
Gotinên me bikin tac
Ta hûn neçin wek reben..
Fitwe nadim ku helal
Ji lêvan ava zelal
Wînê ol bikin mirdal
Peyt kirin lê ev min ben..
Mam bê hikmet û nezan
Di jînêda wer xizan
Perîşanim ji derdan
Qedexe ye li min ken..
Ji xwera rêk derxistin
Lêv dan lêva zik mistin
Memik li sîga sistin
Bê susretin lêv û çen..
Eyb û fedî çine ew
Rêka me ye bê derew
Şev û rojan nakin xew
Nêzîk li xwekin kefen..
Şêxê me wî derfet da
Tol ji şeytan me hilda
Em ketne rîya xweda
Tarîqete ne ku fen..
06/06/2024-Serzorî
XELAT
