Jiyna Bê Mehweş
Helbestvan: Hozanê Girkundê
Girnejîn li ser lêvên xemkêşiyê
kêliyên bi kesre Oxir dikin
Û ....dil payîzeke mest e
Hêvîyê me bi giriyekî zivistanî
Xwe dipêçin
Şev jî hêlana hebûnê dihejîn e
Li beyîbaneke dûr
Mûmiyên bendemanê
Li ser carên biyaniyê vêdikevin
Bayekî gûr xweziyên temenê me
Bingor dikin bingor
Giyan teşîya mirineke sermedî dirêse
Û .....em bûne
Hişekî belakirî di nava zeviyeke
Sêwî de tabloya welatekî
Laş derizî nîgar dike
Mîna rew rewka sawêran li pê hetava
Xewinan Em direvin
Bi hûçikên asoyan digrin
Ber bi gerdûneke
Bê sînor Em diherikin
Û ....kirasê evîneke mişixtî li bejna
kenekî sêdar kirî dikin
Û ....gavên me qonaxa demsaleke
Bêbûhar dipîvin
Destarê jiyanê bi dilekî xayiz digere
Û ... peyv bi kevirên xweziyan dilikumin
Li ser kavilên tinebûnê
Li xwe digerin
Di nava mijeke sermedî têne nixwamtin !!
______________________________________________
18 _ 02 _ 2025 Serê kaniyê
XELAT
