Kurdên Rojava ji Almanyayê serdana Mam Celal kirin
Şandeke kurdên Rojavayê Kurdistanê ji Almanyayê hatin sardana rewanşad serok Mam Celal.
Îro roja duşemê 4-11-2024`an li bajarê Silêmaniyê şandeke kurdên Rojavayê Kuridstanê ku ji welatê Almanyayê hatibûn, sardana mezarê rewanşad serok Mam Celal kir û gulbaxek jî li ser mezarê dînan û fatîheyek li ser rewanê serok Mam Celal xwendin.
Di wê barê de, Mistefa Mihemed Elî bavê Alan ji malpera Xelatê re ragihand; Em wek kurdên Efrînê yê Rojavayê Kurdistanê ku li gel min kak Îdrîs Nefhî û Luqman Edhem, me xwest ku em hem xizim û mirovên xwe li Silêmaniyê bibînin û her weha sardana mezarê serok Mam Celal û Helebçeyê bikin.
Her weha da zanîn ku îro jî em serbilind bûn bi sardana mezarê rewanşad serok Mam Celal ku ewqas xizmetî doza gelê kurd kirî û tevahiya jiyana xwe ji bo parastina doza rewa ya gelê kurd û Kurdistanê terxan kiribû.
Di dirêjahiya daxuyaniya xwe de, Bavê Alan aşkire kir ku şanda wan bi hevrêtiya serokê Encumena Penaberên Kurdên Rojavayê Kurdistanê (Hozan Efrînî) sardana parêzgeha Helebçeyê kir û armanca wan Monomenta pakrewanên Helebçeyê bûye.
Xelat/Roşîn Serêkanî
