Letîf Nêrweyî: Di rêkeftina dîrokî ya Şamê de YNK`ê rolek bibandor hebûye
Berpirsê Borda Ragihandinê ya YNKê Letîf Nêrweyî ragihand; rêkeftina dîrokî ya di navbera hikûmeta nû ya Sûriyê û General Mezlûm Ebdî de dê bandoreke erênî li ser proseya aştiyê li Bakurê Kurdistanê jî bike, ku rewanşad serok Mam Celal û YNK`ê ji destpêka salên 1990`an ve kar li ser dike.
Letîf Nêrweyî ji malpera PUKMEDIA re axiviye û gotiye: “Helwesta zelal a Serok Bafil Celal Talebanî ya li hember Rojava û çareseriya pirsgirêka Kurd li bakur, berdewamiya rêbaza rewanşad Serok Mam Celal e ku hertim di wê baweriyê de bûye ku yekane rêya çareserkirina pirsgirêkan diyalog û aştiye.”
Letîf Nêrweyî ew yek jî aşkira kir û got: Yekîtiya Nîştimanî ya Kurdistanê rolek karîger hebûye ku piştevaniya navdewletî ji bo ev rêkeftina dîrokî peyda kiriye û bi taybetî Serok Bafil ku karekî zêde kiriye ji bo serxistina vê rêkeftinê û eve jî destkefteke ji bo gelê Kurdistanê û seqamgîrî û pêkvejiyanê di Sûriyeya nû.
XELAT
