Xwendin Jiyan e

Nivîskar û Helbestvan: Merwan Berekat

▪Her ku mera pirtûkeke felsefî  dixwîne, mera bêhtir jiyan, civak û hin rastiyan dinase. Lewra xwendin jiyan e.

▪Her ku mera helbestên Mileyê Cizîrî, Ehmedê Xanî û Feqê Teyran dixwîne, mera bêhtir felsefe,  helbestvanî û dewlemendiya zimanê Kurdî hestiyar dinase. Lewra xwenidin jiyan e.

▪Her ku mera pirtûkekê dixwîne, mera tiştine nû fêr dibe û quncikên tarî kêm dibin. Lewra xwendin jiyan e.

▪Her ku mera pirtûkekê dixwîne, mera xwe û derdora xwe bêhtir dinase. Mera kêm dilikume, kêm şaş dibe û bêhtir rêzgirtina xwe digire. Lewra xwendin jiyan e.

▪Her ku mera pir dixwîne, mejî û ramanên mera ji zanîstê tên avdan û helwestên mera. ji çavikên zanînê der dibin. Lewra xwendin jiyan e.   

▪Heger tu naxwezî nezin bijî û nezan bimirî, hevaltiya pirtúkan bike û ta li dunyayê bî wê hevaltiyê biparêze. Xwendin jiyan e.

▪Civak, welat û siberoja bi nezanînê ava nabin. Zanîn bingeha serkeftin, pêşketin û xweşjiyanê ye. Kaniya zanistê xwendin e. Lewra xwendin jiyan e. 

===================================

Siba 15. 10. 2024an, Pêşengeha Şehîd Herkol li  bajarê Qamîşlê deriyên xwe li pêş dildar û hezkiriyên pey û pirtûkan vedike.

Herdu romanên min XENCERA DESTIKZÎVÎ û ÇIYAYÊ RONÎDAR di beşê weşanxaneya Şilêr û Dîwana Wêje de tên dîtin.

Qamîşlê 14. 10. 2014

XELAT