Şemala nar û nûr tu yî
Helbestvan: LEYLA REŞO
Şemala nar û nûr tu yî
Narîna xemrevîn tu yî
Sîratel musteqîm tu yî
Ya îlahî heyran im ez
Sosina li baxan tu yî
Zirbeybûna deştan tu yî
Şilava Zemzemê tu yî
Ya îlahî xerîb im ez
Kevana asîman tu yî
Keskesora rengîn tu yî
Bûka baranê her tu yî
Ya îlahî şexîf im ez
Destana Ferhadî tu yî
Bûka Qesra şirîn tu yî
Quntara çiyayan tu yî
Ya îlahî mezhûl im ez
Aska bejinzirav tu yî
Çavxezala kenok tu yî
Nêrgiza beyaran tu yî
Ya îlahî mecrûh im ez
Pirtûka pîroz her tu yî
Şalyar û Marîfet tu yî
Mizgeft û laleş her tu yî
Ya îlahî mirîd im ez
YA ÎLAHÎ SE ENSEHIB ....
XELAT
