XEWNA XEMGÎN
Helbestvan: Suphîye Bulut
Di xewa şêrîn de
Xemgîn bûm bi xewnê re
Di nav gulên cîhanê de
Min dît gulek stûxwar
Kûr dinaliya û hûr digiriya
Pirsîm ji gulê
Ey gula stûxwar
Tu gula kîjan gelî ye?
Nêrî li çavên min
Li dilê min xist tîr
Go ez gula Kurdan
Bihuşta windayî me
Dinya şa dibe bi gulên xwe
Lê gelê min bi hev ketine
Nabihîzin hawara min
Ez nayêm avdan
Nabişkivim û venabim
Bê hezkirin çilmisîm û hişk im
Di nav gulên dinyayê de
Bê xatir û bê rûmet im
Ji ber ku tune ye dewleta min
XELAT
