Amoyan, madalyaya olîmpîyada Parîsê bidest dixe
Xortê Kurd yê bi navê (Malxas Amoyan) bû xwediyê madalyaya bronz (tunc) ya olîmpîyada Parîsê.
Rojnamevan û nivîskarê kurd yê Ermenistanê (Titalê Kerem Çoloyan) gotiye: Nûnerê ji miletê me, şampîyonê cîhanê, 3 caran şampiyonê Avropayê (Malxas Amoyanê) madalyaya tûnc ya lîstikên olîmpiyadê yên ku li Parîsê tên lidarxistin, bi serkeftineke bi rûmet bi dest xist.
Titalê Kerem eşkere jî kiriye ku, Malxas Amoyan yê (25 salî) di tûrnûvaya guleşa olîmpiyadê ya Yunanî-Romî de ji bo madalyaya tûnc ya giraniya 77 kîlogramê, bi Aram Vardanyan cîgirê şampiyonê cîhanê, xwediyê madalyaya bronz ya şampiyonîya Asyayê nûnerê Ûzbekistanê re mucadele kir û bi hesabê 6:5 bi ser ket.
Jêder: Radyoya Ermenistanê ya Civakî
XELAT
