ÇİYAYÊ SÎPANÊ XELATÊ
Helbest: Mehmet Çobanoglu
Diya min e delal, lê jina mêrxas
Welat dilê min de derd e, keser e
Rojan e, mîna Erez lemeleme
Kul dike min bikuje, wusa here
Diya min, hewldana me, cehda me
Şev de destpêkdike heta rojhelatê
Ji zozanên Qers'ê, ji deşta Muş'ê
Fîxan ket di nav Sîpanê Xelatê
Diya min, ez wek derdê bêdawî me
Ma kesek wek min bê ax bê war heye
Ez ji bo kîjan rewşa xwe bigirim
Diya min, berxwedan li min re maye
Diya min, lê diya min e belengaz
Min qet rojên şêrîn û ronak nedît
Xwezî xerîbî, cihêtî nebûya
Ez westiyam, min gelek tengasî dît
Diya min, sê pirsgirêkên min hene
Xerîbî, feqîrî yek jî mirin e
Azadî li ku ma, welat li ku ye
Dayê tûnebûn, ji min re mirin e
Heywax dayê, lê ez qurban ka welat
Ez war û welat, gundê xwe dixwazim
Ma jiyanek bi vî rengî heye?
Ez rûmetdarim! Axa me dixwazim
Dayê ez qurban, ez bimirim dayê
Bila agirê azadiyê geş be
Tava wan zalim û hovan vemire
Li ser axa me gul şîn, jiyan geş be
Diya min, lê ronahiya çavê min
Ez bi me Kurd'an re hêvî dixwazim
Gumena min nema, li van mirdaran
Ez êdî sibeyên rind û xweş dixwazxweş
20.08.2024
Stenbol
Wêne jêgirtin
XELAT
