EM HEVDURA LI WANÊ
Helbestvan: Hinara Tajdîn
Fistanê sor li bejnê,
Ketye xemla bûkînê,
Wê dest daye yekî din
Evdal hîştim har û din.
Çevê belek reş kilkir,
Agrê dilê min gurkir,
Revî,lez çû xwe bakir
Êşê cergê min kûrkir.
Mijêda ez dorpêçbûm,
Hêsrêm tevî behrê bûn,
Xeyalada boyax bum
Nava derda windabûm.
Merûm bûme ber janê,
Ew min nehat qet rayê,
Em hevdura li Wanê
Biketana sohbetê.
Dîlber nehat vî berî,
Eşqa dilêm temirî,
-Çima wisa min sarî ?
Bê guman, bê bawarî.
Te bawarî windakir,
Bejna cinar ba nekir,
Kofya zêrîn xwer nekir
Sîng li ber min venekir.
Avîtim cizaretê,
Meşyam berbi zîyaretê
Xwe avîte bextê te
Reca kir evîna tê,
Horî-perî me tombûn,
Bê mehde û pirûz bûn,
Hêlîna xwe kûvî bûn
Herçar perça belabûn.
Xelat
