MIN DIVÎ BES EW NEHAT
Helberstvan: Abdurrahim İnanç
MIN DIVÎ BES EW NEHAT
Failatun failatun
Dêm ji rengê sêvê Exlat
Nûr veda mindî ji jor hat
Dil ji bonê bûye mir’at
Min divî bes ew nehat
Dêm hinarim bûye wenda
Serwera xob û lewenda
Pey geram bajar û gunda
Min divî bes ew nehat
Wê dilê min kirye rêş e
Derdê hicranê bi êş e
Yê nedîtî ma diêş e?
Mî divî bes ew nehat
Bûme sewda çendî sal im
Wek guyîna her dinalim
Bilbilek dûrgul bi hal im
Min divî bes ew nehat
Esmera kember li nêvê
Dêm bi sêvê günce lêvê
Ronî da wê şibhê hêvê
Min divî bes ew nehat
J’Hesreta yar dil keîb im
Hem li warê xwû xerîb im
Hem ‘elîl û bê tebîb im
Min divî bes ew nehat
Bes bikin mehrûm ji dînê
Carekê xweş kin birînê
Beste kin cûbarê xwînê
Min divî bes ew nehat
Ez dikim hêvî gula min
Rojekê rakî kula min
Desteyek sorgul bida min
Rabe “Miftî roj hilat
30/8/2025 Cizîr
XELAT
