WELATO
Helbestvan: Suphîye Bulut
Welatê min
Dema min dilê xwe
Sipart wan zinarên te
Min xatir xwest ji te
Min soz da te
Zindî an jî mirî
Ezê li te vegerim
Tu cîhê kok û dîroka min î
Tu cîhê ax û xwîna min î
Tu cîhê dapîr û bapîrên min î
Tu cîhê ez lê hatim dinê
Tu cîhê jîn û jîyana min î
Tu cîhê ziman û hebûna min î
Tu cîhê zaroktîya min î
Tu cîhê lîstikên min î
Tu cîhê cejn û seyranên min î
Tu cîhê bajar û gundê min î
Tu cîhê malbat û merivên min î
Tu cîhê heval û hogirên min î
Tu cîhê ciwantîya min î
Tu cîhê evîna minî ewil e
Tu cîhê ez lê dergistî bûm
Tu cîhê daweta min î
Tu cîhê ez lê bûm bûk
Tu cîhê ez lê bûm dayik
Tu cîhê sirên min î
Tu cîhê gilî û gazinên min î
Tu cîhê şoreşa min î
Tu cîhê serhildana min î
Tu cîhê berxwedana min î
Tu cîhê girî û kenê min î
Tu cîhê êş û jana min î
Tu cîhê qêrîn û hewara min î
Tu cîhê xewn û xeyalên min î
Tu cîhê daxwazî û hêvîyên min î
De li dilê min miqate be
Welato welato welato
Tu yî Kurdistana min î
XELAT
