KOBANÎ
Helbestvan: Merwan Berekat
Dilê berxwedana serdemê
tu yî Kobanî
Pertew û berbanga azadiyê
tu yî Kobanî
Dengvedana jinxwesiyê
tu yî Kobanî
Hilma têkoşîn û mêrxesiyê
tu yî Kobanî
Rûgeha lehengên dilneçelî
tu yî Kobanî
Xewna dayîkên pakrewanan
tu yî Kobanî
Sirûda hebûn û jiyanê
tu yî Kobanî
Strana nevî û zarokên royê
tu yî Kobanî
Xemla buhara serkeftinan
tu yî Kobanî
Kela ronahî û serhildanê
tu yî Kobanî
Navika deşta Sirûca dêrîn
tu yî Kobanî
Hêlûna vejîn û reseniyê
tu yî Kobanî
Awazên Feratê pêlgurgîn
tu yî Kobanî
Qada Arîna vînzeytûnî
tu yî Kobanî
Zinarê li ser sîngê neyaran
tu yî Kobanî
Qamîşlo
- 12. 2024
XELAT
