Şehîd Denîz Efrîn

Helbest: Welîd Hemîd Xelîl

Ma tu dizanî çima ez ji te hez dikim?

Çimkî ez xwe di çavên te de pak û bê tawan dibînim.

Ji ber ku ez dikarim bi aramiyek temamî dilê xwe li cem te bihêlim.

Şehîda azadiyê…

Ji ber ku gava ez li te dinêrim,

 Ez di çavên te de hest bi hêviyê dikim.

Ji ber ku ez dikarim hez bikim û aramiyê,

peyv bi peyv,

Riste bi riste,

di heman demê de di çavên te de rûmetê bixwînim.

Ma tu dizanî çima ez ji te hez dikim?

Ji ber ku gava ez xwe bi tenê hîs dikim,

Tu tê bîra min û ez xwe bi qehramniya te geş dibim

Payîza dilê min, dibe buharek bê dawî.

Û dibe efsaneyek dîroka Zêrîn…

Şehîd Arîn Mîrkan…

Ji ber ku dema ez li pênaseyeke evîna te ya serfiraz dibim,

Tu li min dinêrî mîna ku bêjî, "Evîn di hundirê min de ye."

Ji ber ku di helbestên min de,

Ez dikarim hesreta te veguherînim evînek geş,

Û evînê biguherînim ji bo te û tu jî ji bo min biguherînim.

Ji ber ku ez nikarim helbestên xwe vebêjim,

 Dema ez ji bo te dinivîsim.

Ji ber ku her gava ez ji te hez dikim,

 Li çi sedeman nagerim.

Ma tu dizanî çima ez ji te hez dikim?

Şehîd Avêsta Xabûr…

 Ji ber ku bi zerdexaneyeke piçûk ya di rûyê te de,

Ez ji hemû xerabiyên cîhanê hatime dûrxistin.

Ji ber ku dema dayîka min ez şîret dikirim ku,

 Ez bibim evîndarê azadiyê,

Piştî dîtina te, min ji bîr kir ka çawa.

Ez matmayî mam bawer bike,

Ezê heyva ronak ya şevê bi navê te ve girê bidim.

 Ma tu dizanî çima ez ji te hez dikim?

 Şehîd Zîlan…

 Ji ber ku ez te di her stranek evînê de awazên dibihîzim.

Bedewbûna te îlhamê dide min ji bo nivîsandina helbestan,

Ji ber ku gava ez ji te hez dikim,

Ez xwe ji bîr dikim ku di xewnên xwe de azad im.

 Ma tu dizanî çima ez ji te hez dikim?

 Şehîd Viyan Amara…

Ji ber ku sedemên min ji bo hezkirina te nîne,

Digel wê de jî, gelek tişt hene ku ez ji te re bêjim.

Ma tu dizanî çima ez ji te hez dikim?

Şehîd Jîna Emînî…

ji ber ku ez di evîna te ya pîroz de dişewitim,

Û ez bawer dikim piştî ku agir vemire,

Bila ba xweliya min ji bo te bibe mal.

Ma tu dizanî çima ez ji te hez dikim?

Şehîd Leyla Qasim…

Ji ber ku ez dikarim navê te ne te tenê bi zimanê xwe,

 Bi lêdanên dilê xwe herdemê zindî bikim.

18-01-2026 Yekşem

Xelat