Qasid pirin?

Helbest: Hasan Kordede

Qasid pirin?

Kurdo bese hev bernedin

Rûmet bi şehîdê xwedin

Dijmin li te davan vedê

Ma wê çi bi destê te din..

Kengê ji xewa dîl b'şiyar

Karê te be kurdî behar

Namîne tu bê kes û jar

Humhum bike karê xwediin..

Kanî deme lawo bezî

Îroj bi duh min got xwezî

Keskîn bike wek tim lezî

Dîsa were ew dil tedin..

Vîna te welat da kirî

Dil xatire beskin girî

Derdan li me tev hêwirî

Kes nanere qasid medin..

13/04/2024-Serzorî

Wêne Fewzi Bilge

*********

Bila mirin carek bê?

Te'in xweşê te çi jê ye

De bihêle te maçkim

Gerdenê te yî xelawî

Ji maçan ez lê bi xaçkim..

Gîsnê zerdînî lê dagrim

Şova çar gîsnî tev rakim

Tovê jînê ger hebû wa

Hûrik hûrik pê liqatkim..

Bila vîn bibe zevîyek

Xort û keçan her pê şakim

Bilbilê ahû keseran

Wan ji goristanan rakim..

Bi vîxanên jîn û vejînê

Rêbazek nûh lê peydakim

Da gul neçilmisin d'behar

Bihna hez kirin belav kim..

Xweda hezkirin daxistî,

Ez jî xwe têda riswa kim

Ger ku bi jehrê meyandî

Vî parî e zê tê da kim..

Ta ku zanim ew mirin be

Ji wê elestek xwe rakim

Bila bi çoş û ken xweşî

Mirina xwe jê wê parkim..

Da ku bêçar neçim gorê

Dijmin bi xwe tew şa nakim

Berxê nêr para kêrê ye

Her wê rojek bi mihvan kim..

Bila mirin yek be canê

Vî canî bo te feda kim

Cangorî yê vîna tebim

Çêtire ku xwe riswa kim..

15/04/2024-Serzorî

XELAT