SEBRA OXIRÊ
Helbest: Hinara Tajdîn
Bû pişkînya wê sebrê,
Kete li ser oxirê,
Te go: Dotmam bizvire
Cot sebir me ne xêre.
Lê min gorra te nekir,
Dil ber tê mift, kilît kir,
Neketime gal, galê
Nizamê min çî yek kir ?
Min persîva te neda,
Pencerejî zerp dada,
Nemilmilî find, çira
Penceşêrê gul veda.
Qederê ez şikandim,
Pey evîna te ketim,
Ser şopa te venebûm
Bûm gora har xwe ketim.
Ew kul, derdê xeyalî,
Dane dilê, rezîlî,
Xatirê te, evînê
Ezê bibrim cot golî.
************
PEY TE GERÎYAM
Pey te gerîyam bi dem-sala kesirîm,
Ça îşiqa find û çîray vemirîm,
Ber surr- serma evîna te qehirîm
Mîna şaxa serê sivê buhirîm.
Cî-nvînê hîve rone qûmaşda,
Ricifî dil qepûtê reş şevêda,
Roya nedîr dêm gulava eşqêda
Agrê hubê gurbû çevên bereşda.
Bayê şevê mera bibû baweşîn,
Pelê dara dar çinara diwaşîn
Hêsrên ewrên çevên teye li hêşîn
Dest dane hev kîşyan berbi ava şîn.
XELAT
