Zimanê xwe bernedin?
Helbestvan: Bêçarê Kurd
Zimanê xwe bernedin?
Ger tu kurd bî heyla gidî
Ji kurdya xwe neke fedî
Ta ku bijît li dinya yê
Çend rojên xweş bi comerdî
Çiqas geryam li dinya yê
Nedît wek te çi keda yê
Xwe firoşek bê wate yê
Her tu dijî wek ne merdî
Ên ku şer kin bo vî ziman
Ew dijminin ah û eman
Ger ku biçin sal û zeman
Her bikêşî tu wî derdî
Her bi ziman tu şenazî
Serbest mafê xwe dixazî
Tu wekî şêr teyrê bazî
Doz bi te bêt ser bilindî
Teyr û tilûr tev sewala
Xwe'b qurban ke pîr û kala
Fêrke zarok tev medala
Her kes li te bibe xudî
Kurdetî yê bike rêbaz
Bilorîne bi deng û saz
Xweşke kelam tu bi awaz
Dijmin ji te bikin fedî
Neyar kîna xwe vedşêrê
Li hestên te baş dinêrê
Dil nermî ya te zirare
Bik lebata nehro hindî
13/08/2024-Serzorî
/////////////////////////
Gotin?
Gotin megrî ji ku têtin ev hêstir
Min got negrîm were ev dil kir pêndir
Lew xemgînim ji we safînakin dil
Ber gewda min heye carek tehlîkir
Ger ew nadin bi we xweş têt burhane
Saqî hatin meye desta geryane
Dîber zewqa te ji hiş çûn firyane
Bilbil gulda bi evîna dil geş kir
Kerker kir wî bi dila ew mendoşîn
Canê seyda kire parçak çûn jê xwîn
Bismam çûn dame bi çav xweş kir karîn
Zordar hat deste li ser wî wenda kir
19/08/2024-Serzorî
//////////////////////////////////
Ked xweşî jêra felate?
Ev çi çan û çinte dîsa
Ev çi qinte pinte dîsa
Dijmin pê vedliqite dîsa
Derfet nedine wan pîsa
Dijmin har û dîn bû ye
Wekî hêştir girgîn bû ye
Koyîna te kenî bû ye
Milet ji xwe xulî bû ye
Welat tête par kirinê
Dest pêdikir wê mirinê
Kesek li meydanê tinê
Her kes dimrê tew bê gunê
Kengê emjî bibin milet
Rast bigirin bi vê derfet
Roja me va j'ewra derket
Da em nebin bê mixenet
Ola dirust ew welate
Parastin jêre xelate
Ked xweşî jêra felate
Mizgîn bide yeqîna te
22/08/2024-Serzorî
XELAT
