JI BUXÇIKA HEFTGIRÊKÎ
Helbest: Merwan Berekat
JI BUXÇIKA HEFTGIRÊKÎ
Sê gav
Girek ji mayînan
Refek ji xeyalên birîndar
Diçin û êşdar dizîvrin
Li wir gundek heye
Li wir xaniyek hebû
Niha kundekî reş li wir e
Perên kevokan bayî diwestandin
Li ser dawa kovanên sibehan
Xewnên ducanî kesk dijenin
Çi jiyanê dipêçe?
Bejna me ji kirasê xeman mezintir e
Em ji malzaroktiya çiyayên bilind in
Di govendên azaran de
Berî sê gavan
Û piştî heft gavan jî
Em awazên jiyanê ne
-----------------------------------------------
Diyarî ji bo dostê hêja û rêzdar Ezîzê Rifhet. Em gelek bîranînên xwe yên zer û kesk ber bi zeytûnistanê de digirînin.
XELAT
