Herfek ji stirana `Kinik Meyrema Miho Begê` Ji devê Bavê Seleh

Danhev û Lêkdan/ Mihemed Hemkoçer

Lê lê Meyremê, te l girî tê, min l girî tê

Ez î rojekê rûniştibûm, mi bala xwe dayê.. zîrke-zîrka darê me yî xênî tê

Mi go: gi hebê bayê berî baranê rabûyê, tavek a ji pozê buharê  hêdî tê

ya mi go: siwarê mala Miho Begê daketine deşta Şeşê û Mtînê ji xwe re dilîzin bi cirîtê

Ya mi go: berfa kubêsê li serê çiya diwerive, Feratê me yê Bîrecikê rabûye li hêlî tê

Di ortê re ava meyî tê, di ser re kef û kupika sipî tê, di deştê re ava zelal li erdê bela dibe wek çigîtê

Wê çaxê ez derketim derve mi bala xwe dayê , Meyrema Miho Begê, li ser zîrkizîrkê qundira, ji mihela me ya jêrî tê

Mi nizanî ji mala qêdî tê, mi nizanî ji mala miftî tê, mi nizanî ji seraya dewletê li mi lawik î xelkê ji gilî tê, mi nizanî ji mala bavê xwe yê gidî tê

Mi go: çi hebe, çi tunebe, bi serê mi sêwî tê

Xeber dan Meyrema Miho Begê. Wê çaxê Meyrema Miho Begê xwe da bû ber xeml û xêzê, çekedûzanê, sîng û berê vê karê xezalê mîna textê kerwîtê

De lêv ê dilivine mîna qelem ê derê ser divîtê

Mi go: Belkîm ê kê xwe berdê serê dîlan û guvendê dengê def û dahola Hemê Hecî tê

Ji êvara Mîrê mezin de baranê lêkir, ji nîvşev bi şûn de berf bi ser de barî, bi sibê re kurba ket û erd qemitî

Wê çaxê Şêxo - lawê Gulî Şerqiyan - siwar bû, di ber mala Meyrema Miho Begê re, di wî girî û wî girmitî

Erê, dibêjin: Lingê hespê ê paşin li ê pêşin dişimitî

Lawkê aşiq ji ser daket û daniqitî

Xeber dan Meyrema Miho begê, wê çaxê Meyrema Miho Begê, hîn di bejn û balava xwe dixebit, dema gîşt cem Hespê Lawkê aşiq, bi kerkê qundirê li hespê xist go: Diya, serê mala min xaro, tu nabê hespê lawkê aşiq ne hespekî esîl bû, lê bergîrekî midarê bû, bû (meytek) ji (meytê) Ereba ji heft salan û virde da ma û nelebitî..!!

Xelat