Hatûçona Silêmaniyê pêşwazî li daxwazên Encumena Penaberan kir

Feb 29, 2024 - 11:06 Updated: Mar 5, 2024 - 10:34

0 28

Hatûçona Silêmaniyê pêşwazî li daxwazên Encumena Penaberan kir

Hatûçona parêzgeha Silêmaniyê pêşwazî li daxwazên Encumena Penaberên Kurdên Rojavayê Kurdistanê kir.

Roja sêşemê 27/2/2024 şandeyeka Encumena penaberên Kurdên Rojava-Sûriye serdana rêvebirîya hatûçûya parêzgeha Silêmanîyê kir ku ji birêz Hozan Efrîn, serokê Encumenê û Dawûd Çîçek, cîgirê serokê Rêxistina Hawar ê ji bo civaka sivîl û Roşîn Serêkanî, serokê komîteya bilind a nûnerên encûmenê pêk dihat ku ji aliyê Rêveberiya Giştî ya Trafîkê emîd Aso Heme Emîn Behram û eqîd Bextyar Mihemed ve hatin pêşwazîkirin.

Her wiha di wê barê de, rêvebira Encumena Penaberên kurdên Rojava-Sûriye (Zêwa Xelef) behsa wê serdanê ji Xelatê re kir û wiha anî ser ziman ku di serî de şanda me di wê dîdarê de, kar û çalakî, û xizmeta Encumena Penaberên Kurd ên Rojavayê Kurdistanê bi zelalî şirove kir, behsa daxwaz û pêşniyarên penaberên Kurd ên Rojavayê Kurdistanê li Herêma Kurdistanê kir û behsa pirsgirêkên moletên otomobîlan, motorsîklet û pirsgirêkên veguhestina giştî kirin.

Di dirêjahiya daxuyaniya xwe de, Zêwa Xelef aşkire kir ku rêvebirê hatûçonê rêzdar (Aso Heme Emîn) bi xêrhatina daxwaz û pêşniyarên penaberan kir û got ku ew li gorî yasa û zagonên trafîkê yên Êraqê ew li ser wan kar dikin û wê hewl bidin hêsankarî û alîkariya wan penaxwaz û penaberan bikin.