Ji Bêçarê Kurd çend helbest
Helbestvan: Bêçarê Kurd
Dinya vala ye?
Sibê rabe zû ji xew
Bi qebqeba nêre kew
Ev dinya xan û mane
Hîro raste duh derew
Karê xwe bike bi lez
Şev û roj diçin bi bez
Paşê nebêj çima ez
Mast û şîr çû ma ye dew
Paşê nebe poşmanî
Maf daxaz ke b'mêranî
Xelkê kone lê danî
Jiyana te çû bi lew
Virt û vala çû temen
Xudî kedî lê reben
Dijmin hat te fût û fen
Nezanî l'te kir bedew
30/08/2024-Serzorî
Helbestvan Bêçarê Kurd
-----------------------------------------------
Ez kurdekî dil pakim?
Ez ne tirkim ne erebim ne ecem
Ez kurdekî bi nav û deng j'kelem
Ji dil pakî ketme warê derd û xem
Şêx û mela dane min êş û elem
Beg û axa bûn rêber ez par kirim
Partîyan hat bi serde bêçar kirim
Wan firotim bê ziman ez lal kirim
Ter û işk dan ber xwe li gur dan kirim
Bi bar bar ax û zaran mam ta îro
Roja min zer xuya ye ro li nîro
Kes nabêje çi dinalî lo pîro
Kul û derdan ez dixarim feqîro
Bese bira serî hilde bibe mêr
Wek keyxusro li ser taca erdeşêr
Tu deng vede li cîhana jor û jêr
Da bizane ev nû kera jîna pêr
Weku çawa li ber deste kolebûn
Bi sîxurî ew tev li te teqle bûn
Karê qec dawî wek lawê kerê bûn
Dîsa vegerîn dewran wek berê bûn
28/08/2024-Serzorî
Helbestvan Bêçarê Kurd
---------------------------------
Kirim bê vîn bê hez?
Sed salek min boran dî
Hîna wek xwe mame ez
Dewranek pê geran dî
Her dijîm derd û merez
Bê rûmet rû firandî
Afrêner ma bi qerez
Bi yek agir kelan dî
Wer dinalim ez û ez
Heyfa hêbet helandî
Di dîroka girt tevez
Bi paşda vekêşan dî
Mam bê dewar û bê pez
Xelkê tace revan dî
Tevî bîstan bax û rez
Şêr l'civatan kulandî
Nal û keser kêşim ez
Reh bi xwînê niman dî
Li goşt nema dohn û bez
Bilbil di gul gíhan dî
Ji meya ra nebin mez
Tov ji jînê pekan dî
Hîştim bi ax û tevez
Nîşanek daçikan dî
Çûm tilîka xwe bi gez
Textê dara şelan dî
Kîn û buxde kêşim ez
Bawerî jê revan dî
Kirim bê vîn û bê hez
24/08/2024-Serzorî
Helbesvan Bêçarê Kurd
-----------------------------------
Pergende bûm ez?
Bi şûrê oldara kuştim
Bi tîra maldara şiştim
Bi fikra partî ya genî
Ramanên çewt diqeliştim
Mela ez dirûçikan dim
Partîzan vedpirtikan dim
Koledar hildipifan dim
Bi saxî weku dibriştim
Çep û rastan ez gêj kirim
Weku qirêj ez rêj kirim
Wek ji derban bihêj kirim
Ji xwînê weku lê miştim
Ji galgalan şaşkirim ez
Ji guran re laşkirim bez
Pergende bûm va wekî pez
Bi gotinan bi niviştim
25/08/2024-Serzorî
Helbestvan Bêçarê Kurd
----------------------------------
Bum xulanê vîna te?
Ji bîr nakim wê qama te
Der neketim ez dama te
Çendî geryam li dinya yê
Bûme xulam bo vîna te
Mame winda ji bê serî
Çima nabêt tu sewerî
Gur daketin nava kerî
Dûr ketim ez jî xwîna te
Çûm û hatim wek te nedîn
Çanda te'l dil bû ye narvîn
Dilo bese beytê bixwîn
Cîhan tev girtî kîna te
Cîhan ji te hemiqîne
Fen û fûtan rêk genîne
Felek rastî damezrî ne
Hew bigere tim şîna te
Hew dikêşim êş û azer
Kesên bê hiş bûne serwer
Ketim çala wek bê serwer
Kî wê bidî mizgîna te
Dil bi vînê wek dimire
Rêça te sor ji agire
Volkane tew natemire
Bêçar pirin ên mîna te
26/08/2024-Serzorî
Helbestvan Bêçarê Kurd
------------------------------
Hatim meydana şûr kêşan?
Ketim vîna wê wek mendal
Wekû mirin ew bû heval
Hatim meydana şûr kêşan
Gerîyam wek ristemê zal
Kuştina mêran hêsan bû
Derdê dilan pir giran bû
Hevrikî wek î dîlan bû
Çima li xwe kirin helal
Ga û golik ketne rêzê
Gur tenê zûrîn li fêzê
Bûk tazî man xeml û xêzê
Gerden şikî yara delal
Şûna mûrî û mircana
Xemilandî xwîn ciwana
Dayik dijîn êş û jana
Dilo bese hew tu binal
27/08/2024-Serzorí
Helbestvan Bêçarê Kurd
------------------------
Hekîm kuştin ji bo ziman?
Lêkolîn kir li vir û wir
Gotin hekîm ew çû ji vir
Nîv demjimêrek bû mîhvan
Ji bê bextî ya lawê gur
Gava bi kurdî axivî
Ew gotinên ji hungivî
Çawa derketin j'wî devî
Tirku nema xwe radigir
Hatin bi kêr û xençera
Mehepe ne lawê gura
Kuştin wan hekîmê bira
Çima ku bi kurdî deng kir
Ev zimanê me yî şêrîn
Dijmin girtî jê kerb û kîn
Gelo bigrin hûn jê evîn
Bila dijmin ji we bimir
Tola hekîm hûn nehêlên
Ev tirsokin kure dêlin
Bi sîxura ew bi kêlin
Heyfe bê deng mane li vir
05/09/2024-Serzorî
Helbesvan Bêçarê Kurd
XELAT