Radyoya Ronkayî li Gurcistanê heftê 30 xulekan bi kurdî weşanê dike

 Ji destpêka damezrandina Radyoya Ronkayî ya Kurdî li Gurcistanê di sala 1978an de, stranbêj û hunermendên neteweyî yên Kurd ji Gurcistan û Yekîtiya Sovyetê ya berê gelek stranên neteweyî ji bo nifşên pêşerojê yên dîyasporaya Kurd tomar kirine û arşîv kirine da ku ziman, dîrok, çand û kevneşopiyên Kurdî biparêzin.

Belle Siturki, rojnamevan û rêvebera Radyoya Ronkayî li Gurcistanê, ku ji Tiblîsê weşanê dike, ji rojnameya Kurdistanî Nwê re got: Radyoya Kurdî li Gurcistanê cara yekem di 29ê Îlona 1978an de dest bi weşanê kir û heta roja îro jî berdewam dike. Her wiha bernameyên cûrbecûr bi zimanên Kurdî, Gurcî û Rûsî jî weşan dike. Ji damezrandina wê ve min li wir kar kiriye. Pêşgotin rihmetî Keremê Seyad, rêveberê berê yê Radyoya Kurdî li Yêrîvanê, û ez bi du kesên din re li radyoyê dixebitîm û ew hevkar û rênîşanderên min ên sereke bûn.

Got jî: "Min karê xwe wekî wergêr ji Rûsî û Gurcî bo Kurdî destpê kir, paşê ez bûm ragihandinvan û pêşkêşvan, lê niha ez bi tena serê xwe di radyoyê de dixebitim û bi serbilindî têkoşîna xwe ya pîroz ji bo xizmetkirin û parastina ziman û dîroka Kurdî li Gurcistanê didomînim. Bê guman, xem û evîna min ew bû ku ez nasname, ziman, çand û dîroka Kurd a neteweya me li welatên Yekîtiya Sovyetê ya berê biparêzim."

Bella Sturkî got:"Di serdema Sovyetê de, Kurdan derfetên zêdetir hebûn, nemaze di warê xwendina zimanê Kurdî û hebûna çend komeleyên rewşenbîr û nivîskarên Kurd li Gurcistanê. Bi saya hewldanên çend kesayetiyên Kurd û endamên parlementoyê yên li welatê me, radyoya me weşana xwe ya normal ji nû ve destpê kir. Niha neteweya Kurd tekane radyoya Kurdî li Gurcistanê ye."

Bella weha pêde diçe û dibêje: "Di destpêka damezrandina Radyoya Ronkayî ya Kurdî de, heftê carekê 15 deqîqe weşan dikir, paşê bû 25 deqîqe. Niha her Înê 30 deqîqe weşan dike, ez her wiha bernameyên cûda yên li ser parastina ziman, dîrok û çanda Kurdî û nûçeyên giştî ji deverên din ên Kurdistana Mezin, Helebçe, Şingal û bi giştî ji bo guhdarên me weşan dikim.

Diyar jî kir ku: "Ji destpêka damezrandina Radyoya Kurdî li Gurcistanê ve, me stranên hunermendên Kurd ên li Gurcistan û Yekîtiya Sovyetê ya berê tomar û ji nû ve nivîsandine û ji bo nifşên pêşerojê arşîv kirine da ku ziman, dîrok, çand û kevneşopiyên Kurdî biparêzin. Mixabin, ji ber nebûna perwerdehiya Kurdî li dibistanan û nebûna dersên Kurdî û pirtûkên pêwîst, piraniya zarok û ciwanên Kurd zimanê xwe yê dayikê ji bîr kirine.

Aşkira jî kir ku piraniya Kurdên ku li Gurcistanê dijîn Êzîdî ne, lê piştî hilweşîna Yekîtiya Sovyetê, piraniya Kurdên vî welatî koçî welatên Ewropayê kirin, niha hejmara Kurdan kêm bûye û belav bûye, lê dîsa jî gelek hunermendên Kurd hene.

Hêjayî gotinê ye ku, Bella Siturki rojnamevan û birêvebira Radyoya Kurdî ya Ronkayî li Gurcistanê ye. Ew Kurdeka Êzdî ye û çend gotar, bernameyên rojnamegerî û hevpeyvînên televîzyonî bi zimanên Kurdî û Gurcistanî hene.

Berî hilweşîna Yekîtiya Sovyetê, hejmara Kurdan li Gurcistanê nêzîkî 50,000 bû, lê niha li gorî amarên welêt nêzîkî 15,000 e.

Xelat/ Kurdistanî Nwê