Ezê pêşkim?
Helbest: Hasan Kordede
Ezê pêşkim baxê gulan
Gava gulam pelatî bî
Ezê pêşkim wan bilbilan
Ku bibilêm jimartî bî..
Ezê pêşkim bi zozanan
Ku koçeran nan patî bî
Ezê çikim bi hêlanan
Ku konê min pêçaytî bî..
Xaneda nê xelkê xweş bin
Xanî yê min b'xalitî bî
Kêf û şahî çiqa'l dar bin
Ku min tenha bi girtî bî..
Şêwirmendê xelkê hebin
Gava min dev dirûtî bî
Cîhan pêkve bi seyrana
Lê min peza nedotî bî..
Ezê çibkim bi vê jînê
Ku keda min firotî bî
Bila bikevin qeyranê
Ku navê min kermotî bî..
Tişta dijmin ku nabêje
Partî yê min helkotî bî
Bikev ezman bi ser min da
Ne ku'l cîhan hilotî bî..
Daw û derling vemalan tev
Bila carek helkeftî bî
Şahê zanî nê nînin
Zanîna me yeketî bî..
17/02/2024-Serzorî
-----------------------------------------------------
Felek derî girt li min?
Şêst sal borî min derbas kir
Temen zû çû pê xelas kir
Heta ku min ew yar nas kir
Felek derî zû girt li min..
Doşeg bi min tev bû dirrî
Nikam rûnim li ser hirî
Va bi xwe tên hêstir girî
Lê wê derfet girt ji dest min..
Xanî maxek ji kelpîça
Çûm sibîka pêlepûça
Rastî ya jîn wek qalûça
Tê gihîştim çong neman min..
Yara min ew yek babete
Name min da yek kaxete
Navê xuda silawete
Şahî ya wê dane dijmin..
Xweşî ya wê nedî carek
Hew ji min re bibû barek
Kul û derdan hilgirt parek
Va çûn gorê ew tevî min..
Ger vîna te ne'j xweda bî
Tu car bi yar tu ne şabî
Wê her binbarê kulabî
Tu vê yekê bigir ji min..
Vîna resen ji xweda tê
Ne'j dolar û xiniska tê
Ji rastî û hev rêza tê
Ne ku bibî kolê dijmin..
Derîk pirbûn ber min yarê
Nizam kîjan ber te darê
Tê neghîştim ez vê carê
Hate girtin hicran li min..
Hicrana reş dor pêç kirî
Ket devê gur dûvik terî
Peza pîr ma li dûv kerî
Gur nema dixun goştê min..
Goştê min tev bû lerzeke
Gur nexar jê qey gezeke
Çûn kaviran xweş mezeke
Hawar felek kenî bi min..
Keç û bûkan nas dikirim
Bi tilîkan şan dikirim
Min dizanî ku bimirim
Lê pîrî tew nat bîra min..
16/02/2024-Serzorî
---------------------------------------
Bi nan pîvazê xewixîm?
Cîhan şer dike li ser min
Pîvaz û dew dane ber min
Ez ketme xewa du dilî
Çermî guran din ji ser min..
Postê mi l'sûka geran din
Derfet dîsa ji min standin
Donê mi'b rojê helan din
Kirîn firotan li dor min..
B'cejna evînê xapan dim
Ji hîmda ez hilweşan dim
Nêçîrvan ez dikelan dim
Kenê bergirî danger min..
Kel rabû newêrim bigrîm
Rondîk ji çavan raperîm
Kîna ji dilan hilfirîm
Narvînê xwe dan rex dijmin..
Narvîna min diqelişî
Rû bi rû bûm dapelişî
Pextê min dûr çû kemişî
Kêra teraşê dan ser min..
Damarên vînê hilkirin
Hestên ji xwînê pûçkirin
Vîna min ji xwere birin
Nerindî kirin para min..
Zana ji nav min revan din
Pêşveçûn jê pelçiqan din
Nezanî ser min pesandin
Hey wax û wax ka kurê min..
15/02/2024-Serzorî
----------------------------------------------------
Felek te zînî kir?
Tu tev şewqî ronahî ye
Li min dinya tim tarî ye
Nanê parçe yek parî ye
Hahî felek te zinî kir..
Di malê da wek mêhvanim
Xudî ked û bar giranim
Bi keseran ax lê canim
Bav kuştîme kur xwinî kir..
Çendsed sale ku dinalim
Weku hejar tim bê halim
Makzayî de her wek kalim
Ava gula min genî kir..
Gelo ev ah ji bo kêne
Malzaroka xwe dipêne
Cêwî derdim weka lêne
Xweza ji min xwe şênî kir..
Çima ji xwere qet nizanim
Ji xelkê re tim hozanim
Bêçarekî bar giranim
Dîsa j'bo min hilçenî kir..
Ez û felek bûn rêbazek
Bû balinde bûme qazek
Dilorînim bo we sazek
Mixabin rewş serbinî kir..
Wer geran dim çar alîyan
Bê îskembe ser xalîyan
Paçek bîsof ser çalîyan
Dawet û şîn şahanî kir..
Mala qure hilpesart jor
Ya tir tire daxiste dor
Xanedan bûn wek çala kor
Wek susreta saqanî kir.
Berjewendî daxiste hol
Pêşda di dan tev qirş û qol
Ê ku nakin ew ferek sol
Bûne qure qaqanî kir..
Tev firotin ziman û ol
Şêr bi tenha mane li çol
Xelat kirin rûvî bi pol
Ciwanî çû ahanî kir..
13/02/2024-Bêçarê kurd,serzorî
XELAT
