Leyla Qasim, sembola berxwedana jina Kurd li Êraqê
Sedam çi jêre got û wê çi bersiv da Sedam?
Leyla Qasim sembola berxwedana jinê li Êraqê
8’ê Adarê bi tenê nikare tiştên ku jinan kirine bîne bîra me, dîroka rengîn a fedekarî û coşa têkoşîna me ya neteweyî bi jinên leheng û bê tirs tijî ye, Sedam Huseyn, dîktatorê ku biryara girtin û kuştinê da û hemû hêza xwe ji bo rijandina xwînê bikar anî da ku bijî. Lê wî nikarîbû hestên têkoşînê yên jina Kurd mîna Leyla Qasim biguherîne Dayîka Leyla peyama dawî ya Leyla vedipêje û di nameyekê de ji xizmên xwe re wiha got: "Ez ê di 12'ê Gulanê de bêm darvekirin. Werin min bibînin, lê ji bo destûr bê dayîn, bêjin ku hûn hatine cem girtiyek Celûlayê yê bi navê Selah."
Dayîka Leyla weha dibêje: “Ez çûm dîtina wê, gava min berdan hundir, min Leyla dît û bi dengekî bilind gazî wê kir. Me li pişt şîşên girtîgehê hevdû maç kir.
Leylayê pir bi hêz û bi moral xuya dikir û ji min re got: “Dayê, xefetê nexe nebêje keça min weha lê hatiye. Rawesta ji tere behs bikim: Sedam ji min re got, tu çi bixwazî ezê ji tere bikim. Sedam ji min xwest ku ez poşman bibim li hemberî wê dê min azad bike, belku ez çi bixwazim ji box we û malbata min dê bike. Ku Sedam gotina xwe temam kir piştre min jê pirsî gelo gotinên te temam bûn?
Sedam got: "Belê," Sedam got, "Ez ji we daxwaz dikim ku tu çi bixwazî ezê ji bot e cîbicî bikim.
Min jî jê re got: Bihêle ez ji te re bibêjim ku ez Kurd û Kurdistanî me. Sedam pir hêrs bû û aciz bû, û ji min re got: Bi Xwedê, ez ê te bikujim - bi Xwedê, ez ê çavên te derxim.
Min lê vegerand û got: “Min bikujin, lê vê rastiyê bizanin ku bi kuştina min bi hezaran Kurd dê ji xewa giran şiyar bibin. Ez gelek kêfxweşim ku canê xwe ji bo azadiya Kurdistanê feda dikim.”
Di Kongreya Xwendekarên Cîhanê de çi rûda?
Adil Murad, berpirsê wê demê yê Yekîtiya Xwendekarên Kurdistanê li Bexdayê, derbarê bidarvekirina Leyla Qasim de, ku ji bo beşdarbûna kongreya xwendekarên cîhanê li Budapestê bû, axivî. Adil Murad behsa berteka jina Serokdewletê berê yê Şîlî`yê (Allende) dike û dibêje: “Wê nave gelê Kurd qet nebîstibû, û me behsa Kurdan ji bo wê kir û me nûçeya darvekirina Leyla Qasim jêre behs kir. Piştre jî piştgiriya me kir û li pêşberî nûnerên Êraqê ji amadekarên kongreyê re got: Çima hûn nahêlin nûnerên kurd li ser navê kurdan biaxivin? aşkere ye ku rejîma Êraqê rejîmeke faşîste ku jinên Kurd çawa îdam dikin? Di navbera rejîma Pînochet û Êraqê de ti cudahî nîne.
Derbarê kesayetiya Leyla Qasim de rewanşad Adil Murad dibêje: “Leyla Qasim jineke jîr û wêrek bû ku azadiya jinê û Kurdistanê bi hev girêdabû, digel Cewad Hemewendî de eşqeke pak hebû.
Adil Murad dibêje: Min di televizyonê de dadgehkirina wê dişopand, li ser rûyê Leylayê şopên îşkenceyê hebûn, lê ew pir bi serbilindî û bi bê tirs bersiva dadwer dida û digot: "Ez ne poşman im". Leyla Qasim di dema lêpirsîn û îşkenceyê de bi berxwedana xwe li hember rejîma Êraqê di dema lêpirsîn û eşkenceyê de kesayeta xwe îspat kir.”
Nivîskar: Aro Saman
XELAT/ Kurdistanî Nwê
